Themelimi dhe Regjistrimi
Nisja në një projekt biznesi në Shqipëri është një ndërmarrje emocionuese, por kompleksitetet ligjore të përfshira mund të jenë sfiduese. Në Oracle Solicitors Albania, ne i kuptojmë sfidat me të cilat ju mund të ndesheni dhe jemi këtu për t’ju udhëzuar në çdo hap të procesit të themelimit dhe formimit të kompanisë, duke siguruar një fillim të sigurtë dhe një bazë të qëndrueshme për suksesin tuaj.
Zgjedhja e strukturës së duhur të Shoqërisë:
Avokatët tanë do t’ju ndihmojnë në zgjedhjen e strukturës ligjore më të përshtatshme për kompaninë tuaj, duke marrë parasysh faktorë si:
Përgjegjësia e kufizuar: Shoqëritë me Përgjegjësi të Kufizuar (SHPK) ofrojnë mbrojtje të pasurisë personale për ortakët, ndërsa Shoqëritë Aksionare (SHA) lejojnë ngritjen e kapitalit më lehtë përmes shpërndarjes publike të aksioneve.
Struktura e menaxhimit: Ne ofrojmë këshillim gjithëpërfshirës që ju të kuptoni dallimet në strukturat e pronësisë dhe kontrollit midis SHPK dhe SHA, në mënyrë që ju të merrni vendime të mirëinformuara dhe në përputhje me qëllimet tuaja të biznesit.
Udhëzime fiskale: Ne këshillojmë për avantazhet dhe detyrimet e mundshme fiskale.
Themelimi dhe regjistrimi i Shoqërisë
Ekipi ynë do të kujdeset për të gjithë procesin themelimit dhe regjistrimit të shoqërisë, duke përfshirë:
Përgatitjen e Statutit të Shoqërisë: Ky dokument përcakton qëllimin e kompanisë, strukturën dhe rregullat e operimit.
Përgatitjen e marrëveshjeve të aksionerëve dhe ortakëve: Këto marrëveshje përcaktojnë të drejtat dhe detyrimet e aksionerëve apo ortakëve, të rëndësishme për qartësimin dhe parandalimin e mosmarrëveshjeve të ardhshme.
Marrjen e lejeve dhe licencave të nevojshme: Në varësi të sektorit ku shoqëria juaj ka qëllim të operojë, mund të kërkohen leje dhe licenca specifike. Ne do t’ju udhëzojmë në këtë proces dhe do të sigurojmë përpilimin dhe dorëzimin në institucionet përkatëse të dokumentacionit të nevojshëm.
Bashkëpunimi me autoritetet përkatëse: Avokatët tanë do të trajtojnë komunikimin dhe dorëzimin e dokumentacionit të nevojshëm tek institucionet përkatëse, duke siguruar një proces regjistrimi sa më të shpejtë dhe efikas.
Strukturimi ligjor i Shoqërisë
Përtej inkorporimit, ne ofrojmë shërbime ligjore të personalizuara për të mbështetur rritjen e biznesit tuaj, duke përfshirë:
Përpilimin dhe rishikimin e kontratave: Avokatët tanë sigurojnë që kontratat tuaja të jenë të qarta, të sakta dhe në përputhje me ligjin, duke mbrojtur interesat tuaja në marrëdhënie të ndryshme biznesi (p.sh., partneritete, punësim, furnizues).
Mbrojtja e Pronësisë Intelektuale: Ne ndihmojmë në regjistrimin e markave, patenteve, të drejtave autoriale dhe dizajneve për të mbrojtur krijimet tuaja unike, duke nxitur suksesin afatgjatë.
Këshillim për zbatimin dhe mbarëvajtjen me legjislacionin në fuqi: Ne ofrojmë këshillim të vazhdueshëm në lidhje me kërkesat ligjore përsa i përket ligjeve të punës, mbrojtjes së konsumatorëve, mbrojtjen e privatësisë dhe të dhënave personale, dhe ligjeve mjedisore, duke siguruar që kompania juaj të operojë në mënyrë etike dhe ligjore.
Bashkëpunimi me Oracle Solicitors Albania
Duke zgjedhur Oracle Solicitors Albania, ju fitoni akses në eksperitzë profesionale të një ekipi avokatësh me përvojë dhe të përkushtuar. Ne ofrojmë këshilla të personalizuara, komunikim të qartë dhe zgjidhje efektive dhe ekonomike për të mbështetur rritjen e biznesit tuaj.
Planifikoni një takim me ne duke telefonuar në +355 69 693 7763 ose duke vizituar faqen tonë të internetit. Bashkëpunimi me ne do t’ju ndihmojë të shfrytëzoni potencialin e plotë të biznesit tuaj në Shqipëri!
Shërbimet tona
- Twin Towers, "Dëshmorët e Kombit" Boulevard, Tower 1, Floor 13, 1001, Tirana, Albania
Rezervoni një termin
Plotësoni formularin, dhe një nga ekspertët tanë do të ndërveprojë me ju.
